Ekzekutohet me 4 plumba shqiptari në Greqi, dyshohet larje hesapesh

Periferia e Selanikut është tronditur nga vdekja e një 37-vjeçari i cili u ekzekutua me 4 plumba teksa po futej në pallatin ku banonte.

Ngjarja ka ndodhur në orët e para të së enjtes, ndërsa dyshohet se atentatorët kanë pasur hesape për të larë me 37-vjeçarin.

Pasi parkoi makinën, ai shkoi drejt hyrjes së pallatit pa e ditur se aty e prisnin ekzekutorët e tij. Sipas informacioneve të fundit, është qëlluar disa herë ndërsa policia ka gjetur katër gëzhoja dhe dy topa zjarri.

Një kalimtar ka lajmëruar për të shtënat. Policia e ka gjetur të gjakosur në tokë shqiptarin, i cili pak më pas është transportuar në spital, aty ku dhe ka humbur jetën.

Hetimet për ngjarjen e të shtënave në Evosmos u morën nga Departamenti i Krimeve Kundër Jetës në Drejtorinë e Sigurimit të Selanikut.

LEXONI GJITHASHTU:

• Vazhdojnë evakuimet nga zjarret e përhapura në Greqi
• Greqia vazhdon “luftën me zjarrin”, Rodosit ende në flakë, gjendje kritike në Kretë