Raporti i DASH për biznesin: Shqetësim pastrimi i parave dhe koncesionet

Mjedisi shqiptar i biznesit vazhdon ende të shfaqi kufizime për investitorët e huaj. I tillë është vlerësimi nga raporti mbi klimën e sipërmarrjeve, i publikuar nga Departamenti i Shtetit Amerikan, i cili vazhdon dhe për këtë vit të jetë skeptik mbi progreset e tregut shqiptar.

Niveli i lartë i korrupsionit si dhe paraja informale, janë dy faktorët kryesor të përmendur në raport, të cilët dekurajojnë investitorët e huaj, si dhe krijojnë pengesa për një konkurueshmëri të shëndetshme. Sipas raportit, Shqipëria vazhdon ende të performojë dobët në Indeksin e Perceptimit të Korrupsionit në raportin e Transparency International. Në vitin 2022 pozicionohet e 101-ta nga 180 vende të listuara.

Gjithashtu dhe Indeksi Global i Inovacionit, i cili klasifikon shtetet në bazë të kapacitetit të produktivitetit, rritjes dhe inovacionit, e rendit vendin në pozicionin e 84 nga 132 shtete gjithsej.

Në dokument thuhet se komuniteti i biznesti vlerëson se paraja informale nga aktivitetet e paligjshme  si dhe niveli i lartë i korrupsiont vazhdojnë të dekurajojnë investitorët amerikanë. Task Forca për Parandlimin e Pastrimit të Parave (FATF) vazhdon ta përfshijë Shqipërinë në listën e saj gri. Sipas raportit, prokurimet qeveritare po ashtu shfaqin vonesa në procedurë dhe krijojnë pengesa. Dokumenti amerikan thotë se përdorim i vazhdueshëm i kontratave për partneritet publik dhe privat (PPP) ka ulur nivelin e konkurrencës në sektorin e infrastukturës dhe jo vetëm.

Nga ana tjetër, në raport thuhet se Shqipëria shfaq një potencial ekonomik të pasur si dhe kuadër ligjor të mjaftueshëm. Dixhitalizimi i shërbimeve publike vlerësohet të hapi i parë dhe rëndësishëm për zbutjen e nivelit të korrupsionit në vend.

LEXONI GJITHASHTU:

• DASH: Vendet e Ballkanit i plotësojnë kërkesat minimale të transparencës fiskale
• Nga Olti Bistri, te prokurori Xhevahir Lita, kush janë zyrtarët e arrestuar nga SPAK