Gazetarja: S’e mendoj të jetoj në Gjermani, të pres burrin kur vjen nga puna

Gazetarja Iva Tiço tha në një intervistë për “Good morning Albanians” në Euronews Albania se do të jetonte në Zvicër po të kishte diell, ndërsa as nuk e mendon jetesën në Gjermani, prej nga ka edhe burrin.

Sipas saj nuk mund të zhvillojë këtë karrierë që ka këtu në gjuhën gjermane e rrjedhimisht nuk do të qëndronte për të pritur burrin ndërsa kthehej nga puna, kur të dy janë shumë mirë të integruar me jetesën në Tiranë.

“Po të kishte diell në Zvicër besoj se do jetoja, më pëlqejnë Zvicra, Austria, Gjermania, kam pasur gjithmonë një lloj tërheqje. Në përgjithësi Europa më pëlqen. Nuk e kam menduar dhe vazhdoj të mos e mendoj sepse Tirana ka të mirat e veta, plus është vendi im, është profesioni im që nuk e zhvilloj dot kurrë në asnjë gjuhë tjetër dhe në moshën që kam, me arritjet që kam, me jetën që kam bërë nuk mund të kthehem dhe të pres të kthehet burri nga puna, kështu që jemi të dy të integruar në jetën e Tiranës dhe shumë mirë,” – u shpreh Tiço.

LEXONI GJITHASHTU:

• Ivanka Trump në Shqipëri! Tiço: Ruajti privatësinë për arsye sigurie
• “Bëje një fëmijë ta kesh”, Iva Tiço: Shqiptarët ndërhyjnë edhe në mitrën e gruas