Unioni i Transportit tha se do reduktonte urbanët/ Kontrollori: Ja si është situata

Estref Agalliu, kontrollor i transportit publik në Tiranë tha në një intervistë për Euronews Albania, se pavarësisht se Unioni i Transportit Publik në Tiranë dha ultimatumin se do reduktonte urbanët deri në momentin që do të rishikohej subvencioni nga ana e bashkisë, qarkullimi i mjeteve të transportit publik vijon të jetë i njejtë.

Ai tha se këto ditë kanë ushtruar kontrolle dhe kanë parë që si numri i urbanëve në qarkullim edhe frekuencat kanë qenë ato që janë miratuar nga bashkia.

“Ne u njohëm me një ultimatum të shoqatës së transportit të Tiranës. Nga kontrollet që kemi bërë dje dhe sot, numri i mjeteve ka qenë i njëjti dhe më të njëjtat frekuenca siç janë miratuar. Gjendja është normale, nuk ka asnjë shkurtim të asnjë mjeti në linjë”,-tha kontrollor i transportit publik në Tiranë.

LEXONI GJITHASHTU:

• Ndërtimi i urës kthehet në tragjedi në Indi, 16 viktima nga rrëzimi i vinçit
• E trishtë| Aktori 25-vjeçar i “Euphoria” ndërron jetë një javë pasi humbi të atin