Ecte me shpejtësi dhe bënte manovra të rrezikshme në rrugë, e pëson i riu

Një i ri 23-vjeçar në Fier ka marrë gjobën prej 43 000 lekë pasi ka kryer manovra të rrezikshme ndërsa drejtonte tej shpejtësisë së lejuar automjetin. Ai u kap pas publikimit të një videoje në rrjetet sociale.

“Menjëherë pas publikimit të një video-je në rrjetet sociale, në të cilën shfaqet një drejtues automjeti, i cili lëviztë me shpejtësi tej normave të lejuara dhe që kryente manovra të rrezikshme, në një zonë të banuar, shërbimet e Policisë Rrugore të Fierit bënë të mundur lokalizimin e automjetit që shfaqej në video, si dhe identifikimin dhe ndalimin e drejtuesit të tij, shtetasit R. D., 23 vjeç.

Për kundërvajtjet e kryera, konkretisht për shkelje të neneve 139 dhe 141 të Kodit Rrugor, shtetasi R. D. u ndëshkua me masë administrative 43 000 lekë.

Drejtoria Vendore e Policisë Fier apelon për të gjithë përdoruesit e rrugës, që të respektojnë rregullat e qarkullimit rrugor, me qëllim mbrojtjen e jetës dhe garantimin e sigurisë rrugore”,-thuhet në njoftimin e policisë.

LEXONI GJITHASHTU:

• Mes tensioneve me fqinjët evropian, Rusia nis manovra ushtarake në Detin Baltik
• Greqia ofron pushime falas për turistët që braktisën Rodosin për shkak të zjarreve