Shpërndante drogë në plazhet e Ksamilit, pranga 24-vjeçarit. Çfarë iu gjet në makinë

Një 24-vjeçar është arrestuar nga policia e Sarandës, duke shpërndarë doza me kanabis në zonën e Ksamilit.

Gjatë kontrollit fizik ndaj këtij shtetasi dhe kontrollit në automjetin e tij, është gjetur një sasi lënde e dyshuar narkotike kanabis e ndarë në doza të gatshme për shitje, të cilat u sekuestruan në cilësinë e provës materiale.

24-vjeçari, banues në Gjirokastër u ndalua për veprën penale “Prodhimi dhe shitja e narkotikëve”, ndërkohë që materialet në ngarkim të tij i kaluan prokurorisë për veprime të mëtejshme.

“Specialistët për Hetimin e Narkotikëve të Komisariatit të Policisë Sarandë, në vazhdën e operacioneve të njëpasnjëshme kundër veprimtarisë kriminale të shitjes së lëndëve narkotike, në doza, në qytete dhe në zonat bregdetare, kanë organizuar dhe finalizuar operacionin policor të koduar “Parts 14”, si rezultat i të cilit u godit një tjetër rast i kësaj veprimtarie kriminale.

Për këtë rast u arrestua në flagrancë shtetasi Dh. G., 24 vjeç, banues në Gjirokastër, për veprën penale “Prodhimi dhe shitja e narkotikëve”, thuhet në njoftimin e policisë.