Sulm me armë në një lokal në Kosovë, 1 i vdekur dhe 3 të plagosur

Një ngjarje e rëndë ka ndodhur mbrëmjen e të mërkurës në një lokal në qytetin e Skënderajt në Kosovë, ku raportohet se është vrarë me armë zjarri një peron dhe janë plagosur 3 të tjerë.

Lajmin është konfirmuar nga zëdhënësi i policisë për rajonin e Skenderajt,Avni Zahiti.

Ai njoftoi se viktima është shtetasi N.L 39 vjeç, ndërkohë që të plagosurit janë transportua në spital për marrjen e kujdesit të nevojshëm mjekësor.

“Nga hetimet e para dhe këqyrja e vendit të ngjarjes, dyshohet se dy persona të dyshuar e të maskuar kanë hyrë brenda në kafiteri kanë shtënë me armë dhe janë larguar në drejtim të panjohur. Në cilësi të provave materiale në vendin e ngjarjes janë gjetur dhe konfiskuar disa gëzhoja”, tha Zahiti.

Lidhur me gjendjen shëndetësore të personave të plagosur, nga Qendra Klinike dhe Universitare e Kosovës bëhet me dije, se njërit prej tre persobave i është dashur t’i amputohet këmba.

Ai është një i ri i moshës 32 vjeçare, i lindur në vitin 1991, identiteti i të cilit nuk bëhet ende me dije.

LEXONI GJITHASHTU:

• Me armë të mbushur në brez, arrestohet personi me rrezikshmëri të lartë në Durrës
• Atentati në Greqi| 51 vjeçari kushëri i Sadikaj, mik me vrasësit e Edmond Papës
• EMRI| Ishte me pushime me familjen, shqiptari qëllohet me 10 plumba në ishullin grek