Me armë të mbushur në brez, arrestohet personi me rrezikshmëri të lartë në Durrës

Një 36-vjeçar me precedentë të theksuar kriminal është arrestuar nga policia e Durrësit për “Armëmbajtje pa leje” dhe thyerje të masës së sigurisë së “Arrestit në shtëpi”

Dritan Memolla u ndalua duke lëvizur me këmbë dhe me armë në brez së bashku dhe me dy persona të tjerë.

Babë e bir të cilët po shoqëronin 36-vjeçarin, u proceduan penalisht gjithashtu për veprën penale “Moskallëzim krimi”.

Materialet procedurale në ngarkim të tyre i kaluan Prokurorisë pranë Gjykatës së Shkallës së Parë, të Juridiksionit të Përgjithshëm Durrës, për veprime të mëtejshme.

“Në kuadër të këtij operacioni, u vu në pranga shtetasi D. M., 36 vjeç, banues në Durrës.

Ky shtetas u kap në flagrancë teksa lëvizte me këmbë, në lagjen nr.15, dhe gjatë kontrollit fizik të tij, Policia i gjeti 1 armë zjarri pistoletë me fishek në fole, të gatshme për qitje. Nga verifikimet ka rezultuar se 36-vjeçari kishte thyer masën e sigurisë “Arrest në shtëpi”, të caktuar për një aksident rrugor, me pasojë vdekjen. Gjithashtu, ky shtetas kishte precedent të theksuar penal për krime në fushën e narkotikëve. Në vijim, pistoleta dhe krehri i saj me fishekë luftarak, u sekuestraun në cilësinë e provës materiale. Në kuadër të këtij operacioni, u proceduan në gjendje të lirë shtetasit N. K., 56 vjeç dhe K. K., 22 vjeç (babë e bir), lidhje shoqërore të 36-vjeçarit, për veprën penale “Moskallëzimi i krimit”. Këta 2 shtetas shoqëronin shtetasin D. M., kur u kap nga Policia”, njofton policia.

LEXONI GJITHASHTU:

• Atentati në Greqi| 51 vjeçari kushëri i Sadikaj, mik me vrasësit e Edmond Papës
• EMRI| Ishte me pushime me familjen, shqiptari qëllohet me 10 plumba në ishullin grek
• Babë e bir bien në pranga, transportonin dhe magazinonin mallra të kontrabanduara