2600 hektarë tokë nën ujë në Torovicë të Lezhës, evakuuohen 30 familje

Vijon të mbetet e rënduar situata në Torovicë të Lezhës, ku më shumë se 2600 hektarë tokë janë akoma nën ujë.

Gazetari i Euronews Albania, Renaldo Salianji raportoi se janë evakuuar 30 familje.

“30 familje janë evakuuar nga banesat e tyre për shkak se shtëpitë të tyre janë në ujë apo një pjesë toke ka rrëshqitur, duke iu rrezikuar jetën banorëve”, u shpreh ai.

“Hidrovoret po punojnë me kapacitet të plotë dhe kemi pasur një rënie të nivelit të ujit, por situata mbetet ende shqetësuese”, tha ai më tej.  

Fusha e Torovicës është e përmbytur, niveli ujit shkon në 1 metër e 30 cm.

Autoritet vendore u kanë kërkuar banorëve që të largohen nga shtëpitë e tyre, pasi kanë qenë të pabanueshme dhe rrezikonin të shembeshin, por nuk kanë masa për sistemimin e tyre.

Banorët janë strehuar tek të afërmit, apo në ambientet të tjera.

Ata thonë se nga bashkia nuk kanë pasur asnjë ndihmë konkrete.

Lexoni gjithashtu:

Përmbytjet në Shkodër, prefektja Angoni: Në këto momente s’bëhet fjalë për dëmshpërblime

Ende s’ka tërheqje të ujit në zonat e përmbytura në Shkodër, disa akse të bllokuara