EMRI| Kapet 43-vjeçari në kërkim ndërkombëtar, i dënuar në Itali për trafik droge

Një 43-vjeçar në kërkim ndërkombëtar është kapur nga policia me qëllim ekstradimin.

Ortis Banda është dënuar nga autoritetet gjyqësore italiane për trafikim droge.

Në momentin e arrestimit 43-vjeçari ishte në një apartament të marrë me qira.

Njoftimi i policisë:

Ky shtetas ishte shpallur në kërkim ndërkombëtar nga Interpol Roma, në bazë të vendimit të Gjykatës së Leçes, Itali, e cila e ka dënuar 43-vjeçarin, me 5 vjet, 10 muaj e 16 ditë burgim, për “Trafikim droge”, kryer në bashkëpunim, parashikuar nga Kodi Penal italian.

Në vitin 2012, shtetasi Ortis Banda ka trafikuar një sasi kokaine, në bashkëpunim me 2 shtetas të tjerë, njëri prej të cilëve u kap në flagrancë në qytetin e Maniagos, me sasinë e kokainës.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.

LEXONI GJITHASHTU:

• Aksidenti te diga e liqenit/ 26-vjeçari mbuloi shokun, shoferi i X6 ende në kërkim
• Ishin në kërkim nga policia prej disa ditësh, kapen dy vëllezërit në Korçë