Hyn në fuqi ligji që e bën shpifjen vepër penale në Republikën Sërpska

Amendamentet e Kodit Penal të Republikës Sërpska, të cilat kanë hyrë zyrtarisht në fuqi më 25 gusht në këtë entitet të Bosnje dhe Hercegovinës, duke e bërë shpifjen vepër penale.

Më 25 gusht skadoi afati ligjor prej tetë ditësh pas publikimit të ndryshimeve në Gazetën Zyrtare të Republikës Sërpska dhe ato dispozita hynë në fuqi.

Sipas ndryshimeve ligjore të miratuara në seancën e Asamblesë Kombëtare të Republikës Sërpska më 20 korrik, shpifja u shndërrua në vepër penale.

Bërja e deklaratave dashakeqe ose të pavërteta për një person definohet si shpifje dhe për këtë vepër parashihen gjoba nga 1.000 deri në 3.000 euro.

Dënime më të mëdha parashihen nëse shpifja shfaqet në media (përfshirë rrjete sociale) ose në një takim publik.

Ndryshimet ligjore u kundërshtuan nga organizatat ndërkombëtare dhe ambasadat e huaja në Bosnje dhe Hercegovinë, përfshirë Ambasadën Amerikane dhe Delegacionin e Bashkimit Evropian në këtë vend.

LEXONI GJITHASHTU:

• Prokuroria e Bosnjës ngre aktakuzë kundër Millorad Dodik
• “Vuçiç është politikë e paqes”, Dodik reagon për letrën e politikanëve perëndimorë