Tentuan të ndotin lumin e Borshit me ujëra të zeza, 1 në pranga, 1 në hetim

Një person është arrestuar ndërsa një tjetër është vënë nën hetim nga policia e Himarës nën akuzën e krimit kundër mjedisit.

Në kuadër të operacionit policor të koduar “Pollution”, u kap në flagrancë teksa tentonte të derdhte ujëra të zeza, në lumë, me autobotin që drejtonte, dhe u arrestua shtetasi G. Q., 40 vjeç, banues në Sarandë.

Gjithashtu, u referuan materialet në Prokurori ku nisi procedimi në gjendje të lirë për ndihmësin e 40-vjeçarit, shtetasin S. K., 44 vjeç, banues në Sarandë.

Nga veprimet hetimore rezultoi se këta shtetas e kryenin këtë veprimtari kriminale për llogari të një subjekti privat në pronësi të shtetasit S. Ç. Ky shtetas u shpall në kërkim dhe vijon puna për kapjen e tij.

Në vijim të veprimeve procedurale u sekuestrua mjeti autobot.

LEXONI GJITHASHTU:

• Nën ujërat e zeza, ‘del në dritë’ mozaiku i rrallë 1900-vjeçar në Durrës
• Banorët në Porto Romano “bashkëjetojnë” me baltën dhe ujërat e zeza