Usyk, i ‘pandalshëm’| Ukrainasi mbron titujt, mposht në raundin e 9-të Daniel Dubois

Një përballje mes dy gjigantëve, me më tepër emër padyshim Oleksandër Usyk e në anën tjetër britaniku Daniel Dubois.

Luftim ashtu siç i ka hije boksierëve profesionistë të peshave të rënda ishte ai i zhvilluar në Poloni, me yllin ukrainas që triumfoi pas 9 raundesh. Raundi i parë i ndeshjes së vitit pa dy boksierë të përqendruar dhe të kursyer në grushte.

Pasiguria e Dubois u shtua në raundin e dytë, aty ku mundi të dhuronte vetëm një goditje, ndërsa në të tretin nisi dominimi i Usyk.

Raundi i katër po ashtu tregoi një dëshirë nga 25-vjeçari Dubois, por pa treguar saktësi në goditjet e tij. Në vijim Usyk shtoi ritmin e goditjeve të saktë në nofullën e kundërshtarit, duke bërë që të triumfonte me Knock Out në raundin e 9.

Pas kësaj fitore, kampioni ukrainas arriti të mbronte disa tituj e konkretisht ËBA, ËBO, IBF dhe IBO. Pavarësisht humbjes, Dubois përfitoi afro 3 mln euro, ndërsa në anën tjetër kundërshtari i tij më tepër se trefishin.

Edhe pse në moshën 36-vjeçare, Oleksandr Usyk renditet në vendin e parë në renditjen botërore, ku bëhet fjalë për plot 1356 boksierë. Prej kohësh, ylli ukrainas kërkon një përballje me Tyson Fury, por deri më tani nuk ka asgjë konkrete në atë që do të konsiderohej një ndër luftimet më të bukura në boksin botëror.

LEXONI GJITHASHTU:

• ‘Luftimi’ i shekullit në boks, Usyk kundër Fury, anglezi do i dhurojë para Ukrainës
• Boks, Oleksandr Usyk sfidon të shtunën kampionin Anthony Joshua