Federata spanjolle i kërkon zyrtarisht dorëheqjen Rubiales, protesta në Madrid

Federata spanjolle e futbollit i ka bërë thirrje presidentit të saj Luis Rubiales të japë dorëheqjen pas skandalit të puthjes së tij në finalen e Kupës së Botës për femra.

Rubiales është përballur me kritika të shumta pasi puthi në buzë lojtaren Jenni Hermoso pas fitores së Spanjës në finale.

Në një deklaratë të hënën në mbrëmje, federata spanjolle e futbollit tha se pas “sjelljeve të papranueshme që kanë dëmtuar rëndë imazhin e futbollit spanjoll”, zotit Rubiales i kërkohet “të paraqesë menjëherë dorëheqjen e tij si president”.

Federata kërkoi gjithashtu “një ristrukturim organik të thellë dhe të afërt në pozicionet strategjike të federatës për t’i hapur rrugë një faze të re të menaxhimit në futbollin spanjoll”.

Qindra njerëz u mblodhën të henën, në qendër të Madridit, në protestat e thirrura nga grupet feministe në mbështetje të futbollistes.

Protestuesit kërkuan dorëheqjen e tij, duke brohoritur: “Nuk është puthje, është agresion”.

Një nga protestueset, Carlota Andreas, tha për Sky Neës se të gjithë duhet të protestojnë kundër personave si Rubiales, jo vetëm në futboll por në çdo fushë të jetës.

“Unë mendoj se është e rëndësishme që të gjithë të vijnë këtu dhe të protestojnë kundër këtyre njerëzv, të gjithë.

Është e papranueshme ajo që bëri. Ai duhet të thotë lamtumirë dhe një grua duhet të jetë atje për ta zëvendësuar”, tha ajo.

LEXONI GJITHASHTU:

• Trajnerët kundër Rubiales, stafi i kombëtares së femrave kritika kreut të federatës
• Futbollistet braktisin Spanjën, shkak gjesti i Rubiales. Të pathënat e skandalit