Rruga që ka kushtuar më shumë në dekadën e fundit? Përgjigjet Evis Berberi

Drejtori i Autoritetit Rrugor Shqiptar Evis Berberi ishte këtë të enjte në Euronews Albania për të folur rreth ndërtimit të rrugëve në vendin tonë.

Ai ka treguar se sa rrugë janë ndërtuar në Shqipëri dhe arsyet pse disa punime ende nuk kanë përfunduar. Sipas tij arsyeja e segmentimit të rrugëve është buxheti i reduktuar.

I pyetur se cila është rruga që ka kushtuar më shumë në dekadën e fundit, Berberi tha se gjithnjë rrugët që kushtojnë më shumë janë segmente malore, pasi ato kanë nevojë për më shumë mirëmbajtje.

“Rruga që ka kushtuar më tepër në dekadën e fundit? Rrugët nuk kushtojnë më tepër, por kanë nevojë për më shumë mirëmbajtje, ajo që ka më shumë nevojë për mirëmbajtje, janë gjithnjë segmentet malore. Segmentet malore, për shkak të prezencës së borës, terrenit të thyer ku mund të ketë rrëshqitje dherash, skarpatesh, kanë gjithnjë një kosto më të lartë se sa mund ta kenë segmente fushore”,-tha  Ervis Berberi.

LEXONI GJITHASHTU:

• Gjykata e Fierit lë në burg Albi Mecinin, i dyshuar për rrëmbimin e “Koçoles”
• “Serbia mesazhe pozitive nga SHBA”, Andoni: Lajm jo i mirë për shqiptarët