Rama prezanton ndryshimet në qeveri, ndryshojnë 7 ministra

Kryeministri Edi Rama prezantoi gjatë mbledhjes së Asamblesë Kombëtare të PS-së, këtë të hënë, ndryshimet në kabinetin qeveritar.

Nga ndryshimet e bëra preken 6 ministri, ndërkohë që është shkrirë Ministria për Standardet dhe Shërbimet dhe është shtuar Ministria e Pushtetit Vendor, e cila do të drejtohet nga Arbian Mazniku.

Shefi i qeverisë bëri me dije se është larguar Olta Xhaçka nga posti i Ministres për Europën dhe Punët e Jashtnë dhe në vend të saj është emëruar Igli Hasani.

Sakaq Ogerta Manastirliu është larguar nga Ministria e Shëndetësisë dhe është emëruar si Ministre e Arsimit dhe Sportit.

Ministrja Delina Ibrahimaj është zhvendosur nga Ministria e Ekonomisë dhe Financave për të marrë drejtimin e Ministrisë së Shtetit për Sipërmarrjen dhe Klimën e Biznesit.

Në Ministrinë e Finanacave dhe Ekonomisë është emëruar Ervin Meta.

Deputetes së PS Anila Debaj i është besuar posti i Ministrisë së Bujqësisë, ku do të zëvendësojë ish-ministren Frida Krifca.

Ministër i Shëndetësisë dhe Mbrojtjes Sociale është emëruar Albana Koçiu.

Ndryshimet në kabinetin qeveritar të prezantuara nga kryeministri Rama pritet t’i paraqiten të martën Presidentit Bajram Begaj.

Ndryshimet e bëra:

Ministër i Finanacave dhe Ekonomisë: Ervin Mete

Ministri për Evropë dhe punët e Jashtme: Igli Hasani

Ministër i Arsimit dhe Sportit: Ogerta Manastirliu

Ministri i Bujqësisë: Anila Denaj

Ministër i Shëndetësisë dhe Mbrojtjes Sociale: Albana Koçiu

Ministër Shtetit për Sipërmarrjen: Delina Ibrahimaj

Ministër Shteti për pushtetin vendor: Arbian Mazniku

LEXONI GJITHASHTU:

• Rama në Asamblenë e PS: Qasja jonë është që të mos përzihemi me drejtësinë e re
• Rama: Ligji për investimet strategjike të ndryshojë, jo fshatra turistik pa hoteleri