Bislimi takohet me Lajçakun, flasin për përgatitjet e takimit Kurti – Vuçiç

Emisari i Bashkimit Evropian për dialogun Kosovë-Serbi, Miroslav Lajçak, ka reaguar pas takimit që ka zhvilluar në Bruksel me Besnik Bislimin, zëvendëskryeministrin e Kosovës.

Në një postim në rrjetet sociale ai bën me dije se në këtë takim është folur për përgatitjet e takimit të nivelit të lartë javën e ardhshme në mes kryeministrit të Kosovës, Albin Kurtit dhe presidentit të Serbisë, Aleksandër Vuçiç.

”Faleminderit DPM BislimiBesnik për takimin sot në Bruksel. Ne patëm një diskutim të gjatë dhe thelbësor në përgatitjen e Takimit të Dialogut të Nivelit të Lartë të javës së ardhshme. Fokusi ynë kryesor ishte se si të avancojmë normalizimin e marrëdhënieve”, ka shkruar Lajçak.

Takimi mes Kurtit dhe Vuçiçit vjen pasi muaj më parë në Veriun e Kosovës ka pasur tension të lartë për shkak se Lista Serbe kishte bojkotuar zgjedhjet e prillit të katër komunave veriore.

LEXONI GJITHASHTU: 

• I kujtoi Nanon, Pëllumbi i kthehet Salianjit: Ndryshimet në PS i bëri im atë
• Salianji: Anila Denaj në dyert e SPAK, ka të tjerë që duhet të ishin ministra në PS