Kryen veprime të dhunshme në “Air Albania”, procedohen penalisht 6 tifozët polakë

Policia e Tiranës ka njoftuar procedimin penal të 6 tifozëve polakë të cilët kryen veprime të dhunshme në stadiumin “Air Albania”, gjatë ndeshjes me Shqipërinë për kualifikueset e Euro 2024.

Blutë e kryeqytetit bëjnë me dije se u referuan materialet procedurale në Prokurori për shtetasit me inicialet G. Ll., R. G., E. H., A. D., B. M. dhe G. Ç.

Sakaq vijojnë veprimet hetimore për dokumentimin e plotë të këtij rasti, identifikimin dhe shoqërimin e shtetasve të tjerë që kanë ushtruar veprime të kundërligjshme gjatë aktivitetit sportiv.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

“Specialistët për Hetimin e Krimeve të Komisariatit të Policisë Nr. 1, në vijim të veprimeve hetimore për situatën e krijuar gjatë dhe pas ndeshjes së futbollit Shqipëri – Poloni, të zhvilluar më datë 10.09.2023, në stadiumin “Air Albania”, kanë identifikuar dhe shoqëruar në Komisariat, 6 shtetas që hodhën flakadanë në fushë dhe ushtruan veprime të dhunshme”, thuhet në njoftimin e policisë.

LEXONI GJITHASHTU:

• Aksident në Tiranë, makina përplas për vdekje kalimtaren
• Sherri me Rrajat, Prokuroria vendos kryerjen e riekspertimit mjekësor për Majat
• Një grua gjendet pa shenja jete në tarracën e banesës në Tiranë, dyshimet e para