Deputetët e PD kërkesë Kuvendit: Njohim Bardhin si kryetar të grupit

28 deputetë të Partisë Demokratike nga 35 gjithsej i kanë kërkuar Kuvendit të njohë Gazment Bardhin si kryetar të grupit parlamentar të PD-së.

Sipas tyre, Bardhi duhet të vazhdojë të mbajë të njëjtin pozicion pasi ka mbështetjen e shumicës, ndryshe nga Lulzim Basha që siç thuhet në njoftim “ju imponohet” deputetëve si kryetar i grupit parlamentar ndërkohë që shumica, “as e njohin e as e mbështesin”.

Deputetët Agron Gjekmarkaj, Asllan Dogjani, Bledion Nallbati, Bujar Leskaj, Dashnor Sula, Dhurata Cupi, Edi Paloka, Ervin Salianji, Ferdinand Xhaferaj, Flamur Hoxha, Gazment Bardhi, Greta Bardeli, Helidon Bushati, Ina Zhupa, Isuf Celaj, Jorida Tabaku, Kastriot Piroli, Lefter Gështenja, Lindita Metaliaj, Ludovik Hasanaj, Qani Xhafa, Ramadan Likaj, Saimir Korreshi, Sorina Koti, Tomor Alizoti, Xhelal Mziu dhe Zheni Gjergji ishin ata që votuan pro Bardhit.

“Që përfaqësimi të ndryshojë dhe nëse Lulzim Basha do të këmbëngulë të jetë Kryetar i Grupit duhet t’i dërgojë Kuvendit një vendim të shumicës së deputetëve të grupit parlamentar,” – thuhet në njoftim.

LEXONI GJITHASHTU:

• Bardhi kërkesë Nikollës: Të futet në rendin e ditës komisioni i reformës zgjedhore
• Açka braktisi mbledhjen, Bardhi zbulon çfarë ndodhi në Konferencën e Kryetarëve