“Zgjidhni një herë problemet tuaja”, Felaj përplaset me Bardhin për kreun e grupit

Gazment Bardhi u përplas me nënkryetaren e Kuvendit Ermonela Felaj lidhur me kërkesën e depozituar prej tij, në cilësinë e kreut të grupit të PD, për futjen në rend të ditës të komisionit për reformën zgjedhore.

Bardhi i kërkoi Felajt të mos bënte interpretime, por vetëm të informonte kuvendin për një vendim që sipas tij ka marrë grupi parlamentar i PD.

“Nuk ka asnjë replikë me kryetaren e kuvendit. Nëse lexoni shkresën, thuhet se në datë 19, në mbledhjen e grupit është marrë ky vendim dhe ju duhet të lexoni vendimin. S’kemi bërë asnjë repolikë, kemi marrë një vendim si grup dhe ju jeni e detyruar ta lexoni pa bërë asnjë interpretim për grupin. Ju thjesht informoni seancën për vendimet e grupit të PD”, tha Bardhi.

Reagimi i Bardhit erdhi pasi Ermonela Felaj deklaroi se nuk do të lexojë asnjë njoftim për sa kohë kryetarja e kuvendit ka folur disa herë për këtë çështje.

Po ashtu, Felaj tha se nuk i takon kryetarit të kuvendit që të merret me anëtarët që i takojnë të njëjtit grup parlamentar.

“Nuk mund të akuzoni kryetaren e kuvendit që ka vendosur t’u nxisë të zgjidhni qëndrimet tuaja të brendshme”, tha Felaj.

LEXONI GJITHASHTU:

• Deputetët e PD kërkesë Kuvendit: Njohim Bardhin si kryetar të grupit
• Bardhi kërkesë Nikollës: Të futet në rendin e ditës komisioni i reformës zgjedhore