Tentoi të vidhte banesën e të moshuarës, arrestohet 38-vjeçari

Një 38-vjeçar është arrestuar në flagrancë nga policia e Gjirokastrës, pasi tentoi të vidhte në banesën e një të moshuare.

Në pranga është vënë shtetasi M. Ç., 38 vjeç, banues në Libohovë, me precedent të mëparshëm penalë për dhunë në familje dhe për krime të tjera kundër personit.

“Shërbimet e Stacionit të Policisë Dropull-Libohovë, menjëherë pas njoftimit se një shtetas ishte futur për të vjedhur në banesën e një shtetaseje të moshuar që jetonte e vetme, në fshatin Jorgucat, kanë organizuar punën dhe kanë shkuar në këtë adresë. Si rezultat i veprimeve të shpejta, shërbimet e Policisë kanë kapur në flagrancë, në banesën e 86-vjeçares, shtetasin M. Ç., 38 vjeç, banues në Libohovë. Në përfundim të veprimeve, shtetasi M. Ç. u arrestua në flagrancë, për veprën penale “Vjedhja”, mbetur në tentativë”, bëri me dije policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• “Tempulli”| Arrestohet 29-vjeçari në kërkim, shkon në 94 numri i të ndaluarve
• Me makinën plot me emigrantë nga Nepali, arrestohet 24-vjeçari