Tullumbacja me azot, toksikologia: Është drogë, krijon varësi psikologjike

Temë e diskutimit të emisionit Review në Euronews Albania këtë të shtunë, ishte një prej drogërave e kthyer në trend në rrjete sociale, që është tullumbacja me oksid azoti.

E ftuar në studio, toksikologia Esmeralda Thoma tha se oksidi i azotit është një substancë e cila mund të konsiderohet padiskutim drogë, për shkak të efekteve që jep në sistemin nervor.

Ajo nënvizoi se kjo lloj substance krijon varësi psikologjiike tek adoleshentët dhe mund të jetë një “portë eksperimentuese” që mund t’i çojë ata drejt drogërave më të forta.

“Kjo nuk futet te drogërat sintetike, por është një lloj droge.  Një adoleshent fillon drejtëpërsëdrejti përdorimin e kësaj lloje droge. Për herë të parë e nis me këtë. Përgjithësisht adoleshentët fillojnë që nga mosha 10-12 vjeç konsumimin e cigares së zakonshme, pastaj kanabisit dhe pastaj vijnë duke eksperimentuar me këto eksperiencat e reja.

Ka varësi fizike dhe varësi psikologjike. Varësia fizike është kur në momentin që individi redukton drogën ose e ndërpret atë përjeton një sërë simptomash klinike. Varësia psikologjike ëshë alloj ndjenje që pacienti ka një dëshirë të vazhdueshme, një lloj gërryerje për të kërkuar këtë lloj droge, por nuk ka shenja fizike, apo simptoma për mjekun. Nervozizëm ka”, tha toksikologia.

LEXONI GJITHASHTU:

• Karamuço zbulon qendrën e rehabilitimit nga droga në Rinas: Nuk dinë ku t’i çojnë
• Tullumbacet me drogë, gazetarja e Euronews blen në mes të Tiranës bombolën me azot
• Karamuço zbulon dëmet e tullumbaceve me azot: Kujdes, çon në paralizë