Nderoi nazistin si hero, kryeparlamentari kanadez jep dorëheqjen

Kryetari i Dhomës së Ulët të Përfaqësuesve të Kanadasë ka dhënë dorëheqjen, pasi ftoi në parlament një ukrainas që luftoi për një njësi naziste dhe e lavdëroi atë.

“Kjo njohje publike u ka shkaktuar dhimbje individëve dhe komuniteteve, duke përfshirë komunitetin hebre në Kanada dhe në mbarë botën, përveç të mbijetuarve të mizorive naziste në Poloni mes kombeve të tjera”, deklaroi Anthony Rota, ish-kryetar i parlamentit kanadez pasi dha dorëheqjen.

Skandali filloi javën e kaluar kur ligjvënësit në parlamentin e Kanadasë mirëpritën presidentin ukrainas, Volodymyr Zelenskiy. Pas një fjalimi të Zelenskyt, Anthony Rota, veçoi 98-vjeçarin Yaroslav Hunka, të cilin e kishte ftuar të bëhej pjesë, duke e cilësuar si një “hero kanadez”.

Por gjatë fundjavës u zbulua se Hunka kishte qenë anëtar i një njësie vullnetare brutale që ishte nën komandën e nazistëve.

Kryeministri Justin Trudeau e ka quajtur ftesën e kryeparlamentarit “thellësisht të sikletshme për parlamentin dhe për të gjithë kanadezët”.

LEXONI GJITHASHTU:

• Gjermania do të forcojë kontrollet kufitare me Poloninë dhe Çekinë
• Administrata e Biden njofton udhëtim pa viza për izraelitët