“Territor i pastër”, asgjësohen 328 bimë narkotike kanabis në Krujë

Është finalizuar ditën e sotme faza e 40-të e megaoperacionit policor antikanabis të koduar “Territor i pastër”.

Gjatë zhvillimit të kësaj faze, u asgjësuan 328 bimë narkotike kanabis që u gjetën të kultivuara në fshatra të ndryshme të malësisë së Krujës.

Më parë, në kuadër të këtij operacioni, janë gjetur dhe asgjësuar 39 342 bimë narkotike kanabis.

Shërbimet e Komisariatit të Policisë Krujë kanë vijuar intensivisht kontrollet në malësinë e Krujës dhe në fshatra të ndryshme të rrethit, duke përdorur dhe dronë, me qëllim parandalimin, evidentimin dhe goditjen e veprimtarisë kriminale të kultivimit të bimëve narkotike.

Megaoperacioni policor antikanabis i koduar “Territor i pastër”, vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU: 

• “Familja dhuroi zemrën e 15-vjeçarit që vdiq, shpëtoi 1 jetë”, emocionon mjeku
• Studenti i mjekësisë: Nuk dua të largohem, por qeveria na futi “thikën” pas shpine