Mediat greke: Trafik mjetesh luftarake me Rusinë, arrestohet në Bullgari 1 shqiptar

Në Bullgari u zbulua një grup kriminal që eksportonte ilegalisht materiale të ndjeshme për operacionet ushtarake ruse në territorin e Ukrainës.

Këtë e bënë të ditur sot në një konferencë për media sekretari i përgjithshëm i MPB-së bullgare Zhivko Kotsev dhe shefi i Agjencisë Kombëtare të Sigurisë (Dans) Plamen Tonçev. Janë arrestuar 12 persona, pesë prej tyre shtetas të huaj, tre rusë, një shqiptar dhe një bjellorus, shkruajnë mediat greke.

Tonçev tha se ky është një rrjet ndërkombëtar me qëllim të kryerjes së furnizimeve të paligjshme të materialeve me përdorim të dyfishtë, me aplikim civil dhe ushtarak, për përdorim në operacionet ushtarake ruse në Ukrainë.

Grupi operonte në territorin e disa vendeve të BE-së dhe vendeve të tjera duke përfshirë Britaninë e Madhe, Serbinë, Singaporin, Emiratet e Bashkuara Arabe. Për të kryer veprimtarinë e tij tregtare, ai përdori një kompani bullgare të regjistruar në qytetin e Plovdivit (Bullgaria e Jugut) në emër të një shtetasi grek, lindur në Gjeorgji.

Tontsev sqaroi se materialet nuk ishin të destinuara për ushtrinë e rregullt ruse, por për forcat speciale që luftojnë në Ukrainë për llogari të Federatës Ruse si kompania private ushtarake Wagner, “Ahmad” dhe grupe të tjera.

LEXONI GJITHASHTU:

• Ecte i armatosur nëpër rrugët e Athinës, arrestohet shqiptari
• Fshehu në kamion 19 emigrantë, arrestohet në kufirin grek trafikanti shqiptar