“Isha 12 orë mbi biçikletë”, çiklisti tregon eksperiencën më të vështirë të tij

Shkëlzen Ajrullai, është një çiklist aventurier që ka vizituar shumë maja me biçikletën e tij. Disa nga ato janë 7 liqenet e Lurës Extrem Bike, Mali i Vajushes, Kruja, Pogradeci, malet e Dibrës etj.

I ftuar në emisionin “Good Morning Albanians” në Euroneës Albania ai ka treguar se eksperienca më e vështirë ka qenë në Lurë, ku ka bërë 12 orë me biçikletë.

“Rruga më e gjatë ka qenë 12 orë me biçikletë, kur kam qenë në Lurë. Kjo është sfida më e vështirë që kam përjetuar dhe këtë nuk do e bëja më kurrë. Nuk na doli ashtu siç e kishim planifikuar. Rruga ishte shumë e vështirë”-theksoi ai.

Më tej ai foli dhe për pjesën e familjes ku tha se ka ndryshuar dhe rutinën e saj. Ai theksoi se tashmë dalin së bashku me gruan dhe dy djemtë me biçikletë.

“Jam i martuar, kam dy djem. Familja është e shqetësuar por është mësuar tani. Por për 5-6 muaj nuk mund të lëviz. Kam ndryshuar rutinën e familjes, dalim familjarisht me biçikletë”-tha ai.

LEXONI GJITHASHTU: 

• “Shqiptarja ia shiti virgjërinë sheikut për 50 mijë €”-gazetarja tregon rastet
• Kreu i OKB-së: Konflikti i Lindjes së Mesme nuk duhet të përhapet