Seanca për Kosovën në Kuvend, Çollaku: Rezoluta juaj fyese, tekst i heshtjes

Kuvendi u mblodh sot në seancë plenare ku do të diskutojë mbi rezolutën mbi Kosovën, e dakordësuar mes mazhorancës dhe opozitës.

Deputeti i PD, Kreshnik Çollaku tha se drafti i përbashkët i rezolutës për Kosovën nuk ka kaluar në komisionin e politikës së jashtme dhe nuk është konsultuar me PD zyrtare.

Ai e cilësoi rezolutën e dakordësuar një tekst me 3 fjali që fshihet pas Kosovës, ndërkohë që sipas tij Kuvendi i Shqipërisë duhet të buçasë për Kosovën.

“Kam qenë gjithmonë në favor të qëndrimeve të unifikuara për Kosovës, por ju referuat se për këtë duhet të ishte mbledhur komisioni i politikës së jashtme, ndihem i fyes si anëtar i këtij komisioni, ky komision nuk është mbledhur asnjë orë për të diskutuar drafte të një apo disa deputetëve. Unë shoh që keni mbërritur në një tekst, me 3 fali për Kosovën. Parlamenti i Shqipërisë duhet të buçasë për Kosovën, jo të fshihet pas rezolutës për Kosovën. Edhe këtu ka një lapsus, akti kriminal të një njësie terroristësh serbë e quani. Këtë thotë edhe Vuçiç, kjo është poshtë kurajës së opozitës serbe në parlamentin serb që ja vë fajin Vuçiç për atë që ndodhi në veri. Ky tekst me 3 fjali është tekst i heshtjes, është fyes dhe i papranueshëm”, tha Çollaku.

LEXONI GJITHASHTU:

• Rezoluta, Manjani: Debat idiot për 3 paragrafë
• “Rezoluta për Kosovën, sa për të kaluar radhën”, Iljazaj: Shqipëria të bëjë më shumë