Rama: Serbia e ka humbur luftën me Kosovën, Vuçiç do e takoj kur të jetë e nevojshme

Kreu i qeverisë Edi Rama në fjalën e tij në seancën e posaçme plenare, për rezolutën e Kosovës është shprehur se Serbia e ka humbur luftën me Kosovën.

Ndërkohë ai ka theksuar se presidentin serb Aleksandër Vuçiç, do e takoj sa herë të jetë e nevojshme, jo për interesa personale, por për interes të Kosovës dhe Serbisë.

“Vuçiç e kam takuar dhe do e takoj sa herë ta shoh të nevojshme sepse kështu i shërbej më mirë interesit të Shqipërisë dhe Kosovës. Serbia e ka humbur luftën me Kosovën . Shqiptarët duhet të luftojnë për paqen përfundimtare në rajon.

Shqipëria duhet të luaj rolin e saj jo si një pjesë e Ballkanit në Europë, por si një pjesë e Europës në Ballkan. Kosova duhet të ulet krah për krah me Shqipërinë në OKB në të gjitha tryezat e Komunitetit Euro-atltanik, Shqipëria duhet të bëjë të sajën për Kosovën dhe për paqen”-tha ai.

LEXONI GJITHASHTU: 

• Scholz paralajmëron mbështetësit e Hamasit në Gjermani: Do ndiqeni penalisht
• EMRI| Iu vu tritol në 2019, kush është kandidati i parë për 3 vendet vakante në SPAK