Rama: Samiti për Procesin e Berlinit na bën krenar duke shfaqur mikpritjen shqiptare

Kryeministri Edi Rama ka deklaruar se presidentja e Komisionit Evropian Ursula von der Leyen do të paraqesë nesër në samitin e Procesit të Berlinit një plan të ri që e ndihmon Ballkanin Perëndimor në rrugën drejt integrimit në BE.

Ai tha mes tjerash se ky Samit ne na bën krenar dhe na jep kënaqësinë si vend të shfaqim fuqinë e mikëpritjes shqiptare.

“Pa presidenten e Komisionit, pa angazhimin e saj personal për të thirrur me shumë shpejtësi një konferencë të madhe në Bruksel dhe për të kërkuar nga të gjithë solidaritet, ne nuk do t’ia kishim dal ashtu siç ia dolëm. Dhjetëra mijë fëmijë që humbën shkollën e tyre, nuk do të ishin sot duke bërë mësim në shkolla që nuk kanë asnjë ndryshim nga shkollat më të mira të BE.

Por sot ne jemi këtu së bashku me presidenten Von Der Leyen në vigjilje të një samiti tjetër, i pari samit i Procesit të Berlinit që realizohet jashtë kufijve. Kjo gjë ne na bën krenar dhe na jep kënaqësinë si vend të shfaqim fuqinë e mikëpritjes shqiptare, e cila besoj që po të kishte një konkurs në Europë do ta synonte me shumë dinjitet vendin e parë.”- tha Rama.

LEXONI GJITHASHTU: 

• “Shqipëria po ecën me sukses”, Der Leyen: Plan të dyfishojmë ekonominë për 10 vite
• “Nuk kemi mundur të ushqehemi”, gazetari i Euronews rrëfen përjetimet e luftës