Kualifikueset e Euro 2024| Greqia ‘ëndërron’ Berlinin, Holanda rrezikon shumë

14 skuadra zbresin në fushë këtë të hënë në vijim të përballjeve kualifikuese me synim kalimin në Evropianin e vitit të ardhshëm. Disa skuadra tashmë e kanë siguruar biletën për kompeticionin madhor për kombëtaret në kontinentin e vjetër, ndërsa ka ende vende vakante. Për 1 të tillë luftojnë Holanda e Greqia, dy emra krej të kundërt nga njëri-tjetri, por me synimin e njëjtë.

Tulipanët pas humbjes me Francën kanë përkeqësuar situatën e tyre në grup, ndërsa fitorja ndaj Geqisë është detyrim. Në të njëjtin grup, Irlanda përballet me Gjibraltarin. Bosnja beson në kualifikim, ndërsa në mbrëmje përballet me Portugalinë, tashmë pa objketiva të mbetura, pasi ka siguruar biletën më parë. Luksemburgu pret Sllovakinë, ndërsa Islanda Lihtenshtejnin.

Austria gjithashtu është shumë pranë pjesëmarrjen në Evropian, ku një fitore ndaj Azerbajxhanit të De Biazit do t’i mbyllte llogaritë direkt. Përballja tjetër e grupit F është ajo mes Belgjikës dhe Suedisë, me djajtë të cilët vijnë pa synime në këtë 90’. 8 ndeshje u luajtën dhe në fundjavë, ku bie në sy kualifikimi i Skocisë, fitorja e Turqisë apo humbja e Kroacisë. E diela prodhoi në total 25 gola.

LEXONI GJITHASHTU:

• Shqipëria fitore spektakolare kundër Çekisë, me një “këmbë” në Euro 2024
• Ndryshim në listë, Silvinjo fton Marvin Çuni për miqësoren me Bullgarinë