10.394 gjoba për shoferët e pabindur, bllokohen 19 automjete në Tiranë

10.394 drejtues automjetesh janë ndëshkuar me gjoba gjatë javës që lam pas nga Policia Rrugore e Tiranës për shkelje të rregullave të qarkullimit.

Sa i përket masave administrative, disa prej të cilave janë: 859 për shpejtësi mbi normat e lejuara, 100 për përdorim të celularit gjatë drejtimit të mjetit, 33 për përdorim të xhamave të errësuar, 70 për mosdhënie përparësi këmbësorëve në vijat e bardha, 96 për mosvënie të rripit të sigurimit nga drejtuesit e automjeteve, 26 për mosvendosje të kaskës mbrojtëse nga drejtuesit e motomjeteve, 211 për parakalime të gabuara dhe 8.640 për parkime të gabuara.

14 shoferë janë arrestuar për drejtim automjeti në gjendje të dehur apo në efektin e lëndëve narkotike dhe shkelje të rregullave të ndryshme të qarkullimit rrugor.

Ndërsa 19 automjete janë bllokuar për detyrime të pashlyera, mungesë dokumentacioni dhe verifikime nga Seksioni i Trafiqeve të Paligjshme në Drejtorinë Vendore të Policisë Tiranë.

Policia rrugore e Tiranës teksa vijon kontrollet në të gjitha akset, ju bën apel shoferëve që të respektojnë rregullat e qarkullimit rrugor në mënyrë që të mos kthehen në rrezik për përfshirje në aksidente. 

LEXONI GJITHASHTU:

• AKU shton kontrollet te bizneset, 70 mln lekë gjoba për ushqimet
• Pr.ligj i ri për turizmin: Luftë informalitetit, gjoba për “fshehjen” e vizitorëve