Protestat në mbështetje të Palestinës, mbyllet konsullatën amerikane në qytetin turk

Konsullata amerikane në qytetin e Adanas në Turqinë jugore është e mbyllur për publikun deri në një njoftim të dytë, për shkak të protestave të vazhdueshme për luftën mes Izraelit dhe grupit militant palestinez Hamas, njoftoi sot ambasada amerikane në Ankara.

Në deklaratë thuhet se demonstrata të mëdha në lidhje me ngjarjet në Izrael dhe Gaza priten në të gjithë Turqinë në javët e ardhshme dhe se çdo tubim, qoftë edhe ai që mund të jetë paqësor, mund të përshkallëzohet në dhunë.

“Aktivitetet e protestës mund të çojnë në rritje të pranisë së policisë, mbyllje të rrugëve dhe bllokime trafiku”, tha ambasada në një deklaratë.

Shtohet se stafi i konsullatës amerikane është “udhëzuar të lëvizë minimalisht” dhe të shmangë lëvizjen në drejtim të konsullatës.

Departamenti Amerikan i Shtetit lëshoi ​​udhëzime të ngjashme për ambasadat e tij në Lindjen e Mesme, duke përfshirë ato në Bejrut dhe Aman, raporton CNN.

LEXONI GJITHASHTU:

• Konflikti Izrael-Hamas, Rama: I gatshëm të takohem me Ambasadoren e Palestinës!
• Egjipti kundërshton thirrjet që palestinezët të zhvendosen në gadishullin Sinai