“Berisha-Rama sulm të koordinuar”, zëdhënësja e PD: Ortakët e kullave frikë nga SPAK

Zëdhënësja e Partisë Demokratike, Mirela Karabina, ka hedhur akuza duke thënë ish-kryeministri Sali Berisha dhe kreu i qeverisë Edi Rama janë ortakë dhe së bashku po sulmojnë kreun e PD-së, Luzim Basha.

Në një deklaratë për mediat, Karabina tha se lëvizjet që po bën Berisha kohët e fundit tregon frikën që ka nga SPAK.

“Sali Berisha dhe ortaku i tij në Aleancën e kullave, Edi Rama, paskan vazhduar avazin e sulmeve ndaj PD dhe kryetarit të saj.
Sali, kullën e ke në SPAK, po hetohet pastrimi i parave në të. Lulzim Basha dhe PD e dërguan në SPAK sepse Lulzim Basha nuk është si ti që ditën sulmon e natën merr leje ndërtimi.

Se sa i zhytur je, ta thanë britanikët dhe amerikanët, ata që të vunë vulën e non gratës. Levizjet e tua thjesht tregojnë frikën tënde, atë frikën që ti e di mirë se kush ta shkakton ty dhe ortakut tënd Edi Rama, që bëni sikur ziheni për sy e faqe, por në fund mbroni njëri-tjetrin që të mbani dhe ndani pushtetin dhe pasuritë e vëna përmes pushtetit”-tha ajo.

LEXONI GJITHASHTU:

• U kapën duke kryer ndërtime pa leje, procedohen penalisht 3 persona
• Apeli e la në burg, Vangjush Dako bën rekurs në Gjykatën e Lartë