Ritualet e dasmës shkodrane, bashkia hap dyert për të pritur “dasmorët”

Rituali i dasmës shkodrane së bashku me këngët dhe vallet e saj mbetet një prej pasurive më të çmuara të qytetit prandaj ajo u risoll edhe njëherë në vëmendje për vlerat muzikore dhe etnografike që bart.

Kësaj here Bashkia e Shkodrës çeli dyert për të pritur “dasmorët” që pushtuan hollin e saj në eventin “Ardhshi t’bardhë n’ahengun tonë”.

Në rolin e çiftit dhe muzikantëve të dasmës ishin artistët e qytetit, pjesë e Qendrës Kulturore të qytetit, të cilët sollën atmosferën e një dasme tipike shkodrane, me elementët e pajës apo gostitjes me ëmbëlsirat tradicionale.

Rituali i dasmës shkodrane është vazhdim i aktiviteteve që kanë të bëjnë me trashëgiminë Kulturore.

Për organizatorët e eventit është shumë i rëndësishëm rivitalizimi i kësaj tradite të vyer të qytetit.

Aktiviteti u realizua nga Nucleus Albania me mbështetjen e Ministrisë së Kulturës dhe Bashkisë Shkodër. Synimi i tij është promovimi i pasurisë së vlerave të trashëgimisë kulturore përmes këtyre ritualeve.

LEXONI GJITHASHTU:

• Akuzohej nga Italia si pjesë e një bande kriminale, 32-vjeçari arrestohet në Shkodër
• Sekuestrohen 13 kg kanabis në Shkodër, arrestohet 26-vjeçarja, në kërkim partneri