Masa e sigurisë ndaj Berishës, reagon ashpër Jozefina Topalli: Minon stabilitetin

Ish-kryetarja e Kuvendit, Jozefina Topalli, ka reaguar në lidhje me caktimin nga GJKKO të masave të sigurisë për Sali Berishën dhe dhëndrin e tij Jamarbër Malltezi.

Përmes një postimi në facebook Topalli nënvizon se ndalimi i lëvizjes së kryetarit të opozitës dhunon demokracinë dhe stabilitetin e një shoqërie.

Teksa e cilëson vendimin e drejtësisë si politik, Topalli nënvizon se dhënia e masës së sigurisë ndaj një deputeti pa marrë miratimin e parlamentit është anti-kushtetues.

“Përdorimi i kërcënimit, ndalimit, arrestimit apo ndalimit të lëvizjes ndaj kryetarit të opozitës dhe familjes së tij është një praktikë ekstreme, që dhunon në mënyrë ekstreme të drejtat e njeriut, minon demokracinë dhe stabilitetin e një shoqërie.

Kjo praktikë përdoret nga regjimet autoritare apo grupe ekstreme, që kërkojnë të shtypin opozitën politike të nje vendi.

Në shtetin e prokurorëve qesharakë, ndodh që të urdhërojnë ndalimin e lëvizjes së depuetetit, pa lejen e parlamentit, në shkelje shumë të rëndë të  Kushtetutës, si një kapërcim i pafalshëm i shtetit të së drejtës dhe si fakt i qartë i zbatimit të urdhërave politikë.

Përdorimi politik i drejtësisë kundër opozitës së një vendi, e veçanërisht kundër kryetarit të opozitës dhe familjarëve të tij është hapi më i rrezikshëëm për stabilitetin e vendit, por mund të kthehet dhe si hap vendimtar për të ndryshuar situatën nga një shtet i korruptuar dhe i kriminalizuar në një vend që interesim publik e ka te shenjtë.

Regjimet mafioze duhen rreëuar bashke me drejtesinë politke të tyre!”, shkruan Topalli në facebook.

LEXONI GJITHASHTU:

• FOTO-LAJM/ Momenti i arrestimit të Jamarbër Malltezit në aeroportin e Rinasit
• Ku i gjeti milionat Malltezi që ndërtoi kompleksin? Përgjigjet Berisha
• A ke frikë nga burgu? Berisha: I përgatitur për çdo gjë, do qëndroj me gjithë forcën