Këlliçi: E kam lexuar dosjen, më gjeni një firmë të Sali Berishës aty

Anëtari i kryesisë së Partisë Demokratike Belind Këlliçi tha për Euronews Albania se në dosjen “Partizani” nuk ka asnjë të dhënë se ish-kryeministri Sali Berisha ka firmosur diku një vendimmarrje të tijën personale për të favorizuar të afërmin e tij.

Ai u shpreh se në këtë dosje del që ai që ka firmosur ka qenë kryeministri Edi Rama në cilësinë e kryetarit të KRT-së.

“E kam lexuar dosjen, pjesën dërmuese dhe më bën përshtypje, që në asnjë moment nuk gjendet dot një firmë apo një vendimmarrje e zotit Berisha. Konstatoj që personi që e ka firmosur këtë dosje është Edi Rama, kryetari i KRT-së.

Zoti Berisha në mënyrën se si e kam lexuar unë këtë dosje, në të gjithë dosjen nuk ka asnjë zyrtar të shtetit që të akuzohet se ka shkelur ligjin. Nuk kemi asnjë nëpunës të shtetit që akuzohet se ka shkelur ligjin, në asnjë moment nuk kemi fakte, apo një aludim se zoti Berisha ka firmosur diku një vendimmarrje të tijën personale për të favorizuar të afërmin e tij. Ky proces ka zgjatur 12 vite.

LEXONI GJITHASHTU:

• Rekord 1.1 mln turistë në shtator, INSTAT: 45% vizitorë të huaj më shumë se në 2022
• Euronews Perspective show: Inflacioni në Evropë