Izraeli përballë Hamasit/ Barr: Nuk mund të krahasohemi me Palestinën

Pasditen e djeshme në Tel Aviv është mbajtur një ceremoni për të gjithë ata persona që janë rrëmbyer nga Hamasi ose që rezultojnë të zhdukur dhe nuk dihet asnjë gjë nëse jetojnë apo kanë humbur jetën gjatë këtyre ditëve luftë.

Ka qenë shumë prekëse të shikoje të afërmit e tyre me foto në duar, me emrat e të dashurve të tyre për të cilët nuk dinë asgjë.

Gjatë kësaj ceremonie nuk kanë munguar as sirenat e alarmit për sulmet që nuk ndalen asnjëherë.

David Barr nga Izraeli, i cili edhe i ka publikuar këto momente prekëse ishte i ftuar këtë të premte në emisionin “Good Morning Albanians” në Euronews Albania, ku theksoi se nuk krahasohet situata në Palestinë me atë në Izrael.

Ai theksoi se organizata e vetme terroriste është ajo e Hamas.

“Ne nuk i njohim pengjet palestinezë. Nuk ka asgjë për të krahasuar mes dy palëve. Ekziston vetëm një organizatë terroriste dhe është ajo e Hamas”-tha ai.

LEXONI GJITHASHTU: 

• BE premton 50 milionë euro ndihmë shtesë humanitare për Gazën
• Arian Çani: Turmat duan gjak dhe litar, ndaj po goditet Berisha