“Sistem i kalbur”, Eglantina Bardhi: Ryshfeti dhe korrupsioni në spitale, fenomen 30-vjeçar

Ryshfeti dhe korrupsioni në sistemin shëndetësor shqiptar shihet me shqetësim nga ana e qytetarëve.

Ky shqetësim i tyre u përforcua nga rastet e fundit të denoncuara nga spitali “Shefqet Ndroqi” në Tiranë, ku infermieret në bashkëpunim me sanitaret, dyshohet se përfitonin vlera monetare nga familjet që kishin të afërmit e shtruar në spital me coronavirus.

Drejtuesja e shoqatës “Together for Life”, Eglantina Bardhi, që është fokusuar në monitorimin e spitaleve thotë se ryshfeti dhe korrupsioni në spitale është fenomen, i cili vijon prej 30 vitesh.

“Ryshfeti në spitalet tona është i hapur gjerësisht dhe kur po shikoja ato gratë aty për momentin po imagjinoja sikur vërtetë të kishte drejtësi në sistemin shëndetësor nuk do kishte burgje që do t’i mbante të dënuarit për shkak se ryshfeti është diçka i trashëguar tash e 30 vite, nuk është fenomen i ri”, tha ajo.

Ajo madje foli me një gjuhë të ashpër kur thotë se sistemi shëndetësor është i kalbur sa i takon ryshfetit dhe korrupsionit.

“Unë mendoj se qëndron një sistem i tërë shëndetësor i kalbur sa i takon ryshfetit dhe më pas korrupsionit. Unë nuk dua ti përgjithësoj të gjithë mjekët, por ka edhe mjekë, që me veprimet e tyre të detyrojnë që ti të paguash. Unë mendoj se është një fenomen i kristalizuar në sektorin shëndetësor dhe është në mendësinë e njerëzve që patjetër duhet të paguash”, shtoi ajo.

Lexoni gjithashtu: 

Korrupsioni te ”Shefqet Ndroqi”, lihen në burg tre infermieret dhe sanitarja

Qeveria u kërkon ndihmë mediave për të shtuar besimin e qytetarëve te sistemi spitalor

U denoncua për korrupsion, arrestohet sanitarja e spitalit që hiqej si infermiere

Arrestimi i sanitares, prokuroria nis hetim të thelluar nëse ka skemë përfitimi

Korrupsioni në spital, prokuroria lëshon urdhër-ndalime edhe për tre infermiere dhe një sanitare

Infermierja që akuzohet se i vodhi lekët pacientit me COVID, kalon në ”arrest shtëpie”