Titulli “Poeti Laureat”, Luljeta Lleshanaku përzgjidhet laureate e poezisë shqipe

Poezia është një formë e fshehtë e të shprehurit, që kërkon përqendrim dhe abstraksion, jo fort e përshtatshme për botën moderne, ku të gjithë jemi hedhur në vorbullën e komunikimit të menjëhershëm.

Ishte në mesjetë që poetët filluan të kurorëzoheshin me dafina , kurora e dafinës ishte nderimi më i madh në fushën poetike dhe letrare.

Sot është çmimi “Poeti Laureat” vlerësimi më i lartë profesional që i jepet një shkrimtari në fushën e poezisë, dhe laureate i poezisë shqipe me mandat dyvjeçar deri në vitin 2025 u përzgjodh nën kujdesin e Qendrës Kombëtare të Librit dhe Leximit, Luljeta Lleshanaku.

“Unë besoj se do të ishte një nder i madh për çdo poet kudo në botë të fitojë këtë titull, për arsyen e vetme sepse ky çmim, ndryshe nga çmimet e tjera jepet për zërat më influencues në letërsinë përkatëse. Jepet për shkrimtarët që kanë impaktin më të madh tek lexuesi”, tha poetja Lleshanaku.

Në garë kanë qenë edhe 4 kandidatë të tjerë, si Entela Tabaku, Ervin Hatibi, Preç Zogaj dhe Natasha Lako.

Poeti Laureat ka për detyrë të promovojë iniciativa për të rritur ndërgjegjësimin dhe vlerësimin e artit të poezisë në të gjithë vendin.

LEXONI GJITHASHTU:

• Shitet shtëpia e Dante Alighierit, atje ku poeti takoi për herë të parë Beatriçen
• Përvjetori i poetit lirik, Skënder Rusi feston 70-vjetorin