Kepi i Rodonit|”Çfarë lidhje ke me këtë histori?”, Auron Tare kapet me Shtjefnin

Studiuesi Auron Tare iu drejtua pretendentes për pronën te Kepi i Rodonit, Ana Shtjefni në emisionin “Now me Erla Mëhilli” duke e pyetur se çfarë lidhje ka ajo me atë histori.

Ai u shpreh se kuptonte gjithë thelbin e çështjes, por jo pretendimin e Shtjefnit.

“Duke dëgjuar përfaqësuesin e Kishës Françeskane mendoj se çështja është e thjeshtë për t’u kuptuar, pra Kisha kërkon të bëjë rrethimin dhe ka një konflikt me banorët vendas të cilët kërkojnë territor në hapësirën e asaj që kërkon kisha. Ajo që nuk kuptova është zonja që fliste përpara çfarë lidhje kishte me këtë histori.

Shteti në këtë histori, duhet të kishte bërë ligjin për vijën bregdetare që ende sot mungon megjithëse është një draft i hartuar para disa vjetësh dhe duhej bërë dhe planifikimi i Kepit të Rodonit sepse është një nga pikat shumë të rëndësishme historike, kulturore dhe natyrore të Shqipërisë,” – u shpreh Tare.