Vrasja në ish-Bllok, Ervin Mata merret i pandehur për moskallëzim krimi

Gjykata e Tiranës kaloi në gjykim të pandehurit për masakrën e ndodhur në ish-Bllok, ku mbeti i vrarë një person dhe të plagosur dy të tjerë.

Konkretisht, Ervin Mata, Geldo Hoti, Ajaks Boshnjaku, Redi Popesku janë marrë të pandehur për akuzën “moskallëzim krimi”.

Ndërkohë Meviol Bilo, është marrë i pandehur për plagosje në kushtet ekstreme në nevojë për t’u mbrojtur në dëm të Eljon Hatos.

Për Fabian Gaxhën, i cili mbeti i vrarë është pushuar çështja.

Ngjarja e rëndë ndodhi mbrëmjen e 4 tetorit të vitit 2018, në lokalin “Monopol” në ish-Bllok, ku pati një përplasje me armë zjarri. 

Si pasojë, mbeti i vrarë Fabian Gaxha, ndërsa u plagosën Ervis Martinaj dhe shoku i tij, Eljon Hato.

Lexoni gjithashtu:

Vrasja në ish-Bllok, dosja dërgohet për gjykim

Vrasja në ish-Bllok, Prokuroria përfundon hetimet për Merviol Bilon, akuzohet për plagosje të rëndë