Ish-prokurori Muçi: Si u fuqizua krimi shqiptar në nivelet më të larta në Europē

Ish- prokurori Besnik Muçi ishte i ftuar në “Now me Erla Mëhillin”  ku ka folur për mënyrën se si krimi i organizuar shqiptar, arriti në nivelet më të lartë në Europë.

Ai tha se nisja e krimit ka filluar të ngrohet që në vitet e para të demokarcisë ku shumë shqiptarë u larguan nga vendi, por sipas ish-prokurorit, strukturat e krimit të organizuar shqiptar kanë nisur në vitet 2000, ndërsa kanë arritur nivele shumë të larta pas viteve 2010-2013.

“Pas viteve 2010-2013 pati një ekspansion shumë të gjerë të krimit të organizuar shqiptar në Europë që erdhi pas vitit 2000, pas vitit ’97, pas ’90 ishin krimet ordinere, pas ‘97-2000 filloi krimi i organizuar të strukturohej.

Më vonë krimi i organizuar shqiptar filloi të ngrihej në nivele të larta dhe filloi të merrej jo vetëm me shpërndarjen, por aty kontrollonte trafikun nga origjina deri në destinacion e më pas edhe shpërndarjen. Autoritetet shqiptare kishin marrë shumë letërporosi nga autoritetet gjermane, belge, italiane, spanjolle. Ajo që mua më bëri shumë përshtypje ishte kapja e 730 kilogram lëndë kokainë në portin tonë. Ishte përtej çdo parashikimi”,-tha ish-prokurori.

LEXONI GJITHASHTU:

• “Makthi ynë më i keq”-Aksident tragjik në SHBA, 6 viktima dhe 18 të plagosur (VIDEO)
• Mediat palestineze: Tanket izraelitë sulmuan spitalin më të madh të Gazës