Shpërthejnë lëndët kimike në Korçë, banorët në rrezik helmimi 

Këtë të shtunë në Korçë fabrika e ish-Trikotazhit rrezikoi me shume se 10 familje në lagjen nr. 9, pas shpërthimit të disa lëndë toksike, të depozituara prej kohësh aty.

Lëndët toksike të mbetura në ndërtesën e vjetër e të shkatërruar që nga vitet 90 kanë bërë reaksion, duke çliruar gazra dhe duke vënë ne rrezik jetën e banorëve.

Banorët e alarmuar kanë hedhur akuza ndaj autoriteteve lokale duke u shprehur se asnjë prej kërkesave të tyre nuk janë dëgjuar.

“Ne kërkojmë nga instancat që të zgjidhet sa më parë, Korça nuk është vetëm Katedralja. Këtu nuk mund të marrësh dot frymë. Njerëzit e pallatit janë një rrezik. Të merren masa menjëherë. Kemi lajmëruar policinë dhe nuk po marrin asnjë masë. Këto janë kanceroze”, tha një banor i zonës.