Dom Mark Pashkja: Enver Hoxha shfaqet hapur edhe pse shkaktar për mijëra të vrarë

Kisha katolike shqiptare përmes një shkresë zyrtare dërguar Presidentit Bajram Begaj kërkon që të vendoset me ligj dënimi i krimeve të komunizmit.

Dom Mark Pashkja, zëdhënës i Kishës Katolike në Shqipëri e cilësoi të papranueshme që simbole të komunizmit dhe vetë figura diktatorit të shfaqen hapur kur ai është shkaktar për mijëra të vrarë në vend.

“Nëpërmjet kësaj letre kemi sjellë shembullin e Italisë dhe Gjermanisë, me logjikën e dënimit të krimeve të nazizmit dhe fashizmit. Qëllimi është që ndërgjegjja e shoqërisë të thërrasë drejt vlerave që çojnë vendin përpara drejt zhvillimi. Kisha gjatë veprimtarisë së saj sheh gjërat që shfaqin problematike, në këto vite kemi parë se është shfaqur pa problem figura e Enver Hoxhës edhe pse ai është shkaktar për vrasjen e mijëra të rinjve, në tekstet e historisë nxënësit marrin shumë pak njohur për krimet e komunizmit”, tha ai.

LEXONI GJITHASHTU:

• Ultimatumi francez, Enver Hoxhaj: Arsyet pse Macron korrigjoi deklaratën e bujshme
• Enver Hoxhaj: Nuk ishte aspak gabim përkthimi i Macron, qëndrimi qe i qartë