Qeveria e Kosovës miraton projektligjin për pajisjen me letërnjoftime që nga lindja 

Qeveria e Kosovës miratoi sot projektligjin për letërnjoftim, sipas të cilit banorët e Kosovës mund të kenë letërnjoftim që nga lindja, por që kjo nuk do të jetë e detyrueshme.

Ministri i Punëve të Brendshme, Xhelal Sveçla, deklaroi se me anë të këtij projektligji bëhet krijimi i mundësisë që shtetasi i Republikës së Kosovës mund të pajiset me letërnjoftim që nga lindja e deri në moshën 16-vjeç, por pa qenë i detyruar.

“Kjo do t’i mundësojë kësaj moshe të lëvizin jashtë Republikës së Kosovës vetëm me letërnjoftim në ato vende që ka marrëveshje Kosova”, deklaroi ai.

LEXONI GJITHASHTU:

• A do të kërkojë Shqipëria anëtarësimin e Kosovës në NATO? Përgjigjet Rama
• Kosova kundërshton KE-në për heqjen e vizave për shtetasit me pasaporta Serbe