GJKKO rrëzon sërish SPAK-un, gjyqtarja nuk përjashtohet as për Berishën

Pasi GJKKO ka rrëzuar kërkesën e SPAK për të larguar gjyqtaren Ilirjana Olldashi nga shqyrtimi i ankimimit të Jamarbër Malltezit për sekuestrimin që i është bërë pasurive të tij, të njëjtin vendim e ka marrë dhe për Berishën.

SPAK kërkoi të largonte Olldashin nga çështjet e Malltezit e Berishës për shakk të konfliktit të interesit.

Kujtojmë se gjyqtarja lehtësoi masën e sigurisë nga arrest me burg në arrest shtëpie për Malltezin.

Berisha dhe dhëndri i tij akuzohen nga SPAK në lidhje me privatizimin e ish-kompleksit sportiv Partizani, pas kallëzimit të bërë në vitin 2020 nga ministri i Brendshëm Taulant Balla.

Malltezi u arrestua në Rinas më 21 tetor me urdhër të SPAK. Mbi të rëndojnë akuzat për  “Korrupsion pasiv” dhe “Pastrim parash”.

Për të njëjtën çështje GJKKO ka caktuar masat e sigurisë “Detyrim paraqitje” dhe për Sali Berishën dhe sipërmarrësin Fatmir Bektashi, ortak i Malltezit dhe ndërtues i kompleksit të pallateve.

Ish-kryeministrit i është ndaluar dalja jashtë shtetit dhe mbi të është ngritur akuza e korrupsionit pasiv kryer në bashkëpunim.

LEXONI GJITHASHTU:

• Berisha mban një minutë zi: Zef Deda ia kushtoi dhuntinë e tij të vërtetave të artit
• GJKKO rrëzon SPAK, s’përjashtohet gjyqtarja që do shqyrtojë sekuestrimet e Malltezit