Bora bllokon rrugën e Arbrit, policia: Shmangni lëvizjet e panevojshme në këto zona

Policia e Tiranës ka informuar qytetarët se si pasojë e reshjeve të dëborës që vijojnë të bien në rrugën e Arbërit dhe në Malësinë e Krujës, janë bllokuar disa akse rrugore në këtë zonë.

Policia informon gjithashtu se të gjithë qytetarët që mund të kenë nevojë për ndihmë në këto zonë të telefonojnë në numrin 112.

“Si pasojë e reshjeve të dëborës që vijojnë të bien në Rrugën e Arbërit dhe në malësinë e Krujës, janë bllokuar akset rrugore: Rruga e Arbërit, Cudhi Kamp-Qafshtamë, dhe Bruzë Mal-Shkretë.

Shërbimet e DVP Tiranë janë në gadishmëri të plotë për ti ardhur në ndihmë çdo përdoruesi rruge dhe apelon për drejtuesit e mjeteve që të mos qarkullojnë pa goma dimërore dhe zinxhirë, në këto zona, si dhe të shmangin lëvizjet e panevojshme”, thuhet në njoftimin e policisë.

LEXONI GJITHASHTU:

• Dëbora ‘mbulon’ Dibrën, bllokohen të tjera rrugë. Ja kush janë akset e pakalueshme
• Bora në Dibër, bllokohet aksi bypass-Qafë Murrizë, rrugët që kalohen me zinxhir