Drejtori i Qendrës së Shëndetit Publik në RMV, Besim Zeqiri tregon si po vijon procesi i vaksinimit atje

Besim Zeqiri, drejtor i Qendrës së Shëndetit Publik në Maqedoninë e Veriut, tha se procesi i vaksinimit atje po ecën shumë mirë dhe efektet nuk janë aspak negative.

Siç tregoi dhe Zeqiri, personi që aplikon vaksinën ka vetëm pak dhimbje në vendin ku injektohet doza dhe me raste mund të ketë qytetarë që kalojnë dhe ethe të lehta pas vaksinimit.

“Në linjë të parë do të jenë mjekët dhe personeli shëndetësor që janë duke kuruar të sëmurët nga sëmundja COVID-19, pastaj edhe mjekët e rretheve të tjera, kurse pas tyre do të vijnë grupmoshat mbi 70 vjeç dhe të sëmurët me sëmundje kronike,” – u shpreh drejtori i Qendrës së Shëndetit Publik në RMV.

Besim Zeqiri tha se janë mjekët e familjes ata që telefonojnë grupmoshat e rrezikuara për t’i pyetur nëse duan apo jo ta bëjnë vaksinën dhe më pas zgjedhja ngelet në dorën e pacientit.

Ndërkohë që sqaroi gjithashtu se nuk mund të përgjigjej ende nëse qytetarëve në Maqedoninë e Veriut do iu ofrohej mundësia të zgjidhnin midis vaksinave.

Lexoni gjithashtu:

Maqedonia e Veriut pret sot dërgesën e dytë të vaksinave anti-COVID nga Serbia

Cilën vaksinë të zgjedh? Serbia shteti i vetëm që u ofron qytetarëve të zgjedhin se me cilën vaksinë të injektohen