“Sukses i papërsëritshëm në F1”| Verstappen analizon sezonin e mbyllur: U argëtova

Maks Verstappen ka mbyllur një supersezon në Formula 1, ku u shpall kampion për herë të dytë. Piloti holandez dominoi në mënyrë absolute thuajse në të gjitha garat, duke dhuruar spektakël e mahnitur jo vetëm Redbull, por mbarë botën.

Dy ditë pas triumfit në garën e Abudabit, piloti ka analizuar sezonin që mbylli.

 “Ishte një sezon i jashtëzakonshëm. Xhiroja e fundit në Abu Dhabi ishte shumë emocionuese, pasi u ula për herë të fundit në një makinë që ishte e jashtëzakonshme, që më dha shumë. Mendoj se do të jetë e vështirë të përsëritim një sezon të tillë, ku u argëtuam shumë,” – deklaroi ai.

Më tej, 26-vjecari ka parashikuar dhe sezonin e ardhshëm në Formula 1.

 “E dimë që vitin tjetër do të jetë më e vështirë, por di gjithashtu që skuadra është duke punuar shumë për të ndërtuar një tjetër makinë të shpejtë e fituese. Do të jetë një betejë e fortë me rivalët, por ne jemi gati. Shifrat e këtij sezoni do të mbeten gjatë në histori, pasi vështirë që ndonjë makinë të arrijë të tilla suksese në të ardhmen,” – tha Verstappen.

Verstappen vendosi një rekord sa i përket fitoreve, konkretisht 19 të tilla, 10 prej tyre radhazi, ndërsa regjistroi po ashtu më tepër podium se kushdo, 21 herë.

LEXONI GJITHASHTU:

• Max Verstappen është kampion i Formula 1 për të tretën herë radhazi 
• Verstappen triumfon në shtëpi, holandezi vijon në ‘arrati’, Alonso ngjitet në podium