Verstappen triumfon në shtëpi, holandezi vijon në ‘arrati’, Alonso ngjitet në podium

Për të tretin vit radhazi, çmimi i madh i Holandës u fitua nga i zoti i shtëpisë, Max Verstappen.

25-vjeçari ia doli të linte pas kundërshtarët e tij, duke e mbyllur garën në vendin e parë. Një tjetër rekord nga ana e yllit të Red Bull, i cili rrëmben kështu fitoren e 9 radhazi dhe të 11-ën sezonale. Në vendin e dytë u rendit Alonso, ndërsa në të tretin Gasly.

Rrugëtimi drejt titullit kampion bote duket se do të jetë më i lehtë nga sa pritej për holandezin, i cili ditë pas dite e garë pas gare po kthehet dalëngadalë në fenomenin e formula 1. Gara e zhvilluar në Holandë ishte e luftuar, por me karakteristikat e tij, Verstappen arriti të linte pas rivalët kryesorë, madje dhe shokun e tij të skuadrës, Sergio Perez. Reshjet e shiut vështirësuan disi garën, por gjithsesi nuk mundën të ndalojnë vendosmërinë e pilotit kampion për ta mbyllur i pari.

Një sukses i tillë është parë edhe vite më parë nga Sebastian Vettel, ndërsa tanimë gjërat kanë ndryshuar, me një lider të ri në pistë. Sa i përket renditjes së pilotëve në këtë sezon, Verstappen udhëheq renditjen me 339 pikë, pas tij Perez me 201 dhe Alonso me 168. Me më tepër se dyfishin e pikëve në krahasim me skuderitë e tjera është Red Bull, ndërsa ndjekësi më i afërt është Mercedes e më pas Aston Martin e Ferrari.

LEXONI GJITHASHTU:

• Verstappen, i pari në prova| F1 penalizon Red Bull, holandezi do nisë garën i pesti
• ‘Do të fitoj i vetëm’, Verstappen ironizon ndaj Perez: S’di pse eliminohet shpejt